Geiri á Victory hjóli sínu.

05.05.2012 19:13

Geiri á Victory hjóli sínu.

Hér er Hólmgeir Austfjörð á Victory hjóli sínu því fyrsta þessarar tegundar hér í Eyjum hjólið er 100 cubik tommur sem ætti að vera um 1800 cc Geiri rekur matsölustaðinn 900 Grillhús og vonandi verður mikið af hjólafólki þar í mat í sumar eins og hjá Stebba kokk sokk # 100 sem rekur matsölustaðinn Kaffi María ásamt X1 og vonandi að mótorhjólafólk ofan af fasta landinu verði tíðir gestir hér hjá okkur í sumar og fylli belginn vel hjá þeim félögum enda ætti Landeyjahöfn að virka vel fram á haustið.

Skrifað af Tryggvi

04.05.2012 08:21

Fimmtudagshittingur í gær

Þeir voru þónokkrir sokkarnir sem mættu á hjólum í Gullborgarkrónna í gærkvöldi. Það var rjómablíða og þeir sem voru á rúntinum renndu við í sopa og spjall.

Skrifað af Sæþór

03.05.2012 13:44

Frétt úr DV í gær.

Í mál við BMW vegna sístöðu

Stanslaus standpína eftir mótorhjólaferð

Ritstjórn DV [email protected]

21:55 > 2. maí 2012

Það gerist vart furðulegra en þetta.

Bandaríkjamaðurinn Henry Wolf hefur höfðað mál á hendur ökutækjaframleiðandanum BMW og fyrirtækinu Corbin-Pacific. Wolf þjáist af því sem kallað er sístaða (e. priapism) sem gerir það að verkum að hann er með stanslaust holdris.

Wolf heldur því fram að þetta hafi gerst eftir fjögurra klukkustunda mótorhjólaferð hans á hjóli sem BMW framleiðir. Sætið á hjólinu er framleitt af Corbin-Pacific og heldur hann því fram að hönnun sætisins hafi valdið sístöðunni. Í stefnu hans kemur fram að hann geti ekki lengur stundað kynlíf og sé í raun hálfgerður öryrki í dag.

Hann hafi misst mikið úr vinnu og þurft að greiða háan sjúkrakostnað.

Skrifað af Tryggvi

02.05.2012 19:12

Helgi Fagri

Hér er ein flott tekin af sigurgeir.is, af Helga fagra, myndin er tekin 1978, þetta hjól á ég í dag, en það er ósamsett hjá mér. Markmiðið er að koma B.S.A-inu mínu á fætur og svo þessari mögnuðu græju í kjölfarið. En alltaf frestast þetta hjá mér ár eftir ár...........
En ég læt fylgja eina mynd sem tekin var af hjólinu 2003, en fljótlega eftir að myndin var tekin var hjólið rifið og töluvert pantað í það, ég á eftir að taka eina pöntun í viðbót svo að ég geti gert það eins og ég vill hafa það.

Hjólið er af gerðinni HONDA C50 árg. 1969 en gengur undir nafninu Helgi Fagri. Helgi Fagri er fyrsta mótorhjólið sem ég keypti mér, árið 1993 á 10.000kr af Didda í Svanhól.

Skrifað af Sæþór

02.05.2012 10:47

Víkursokkar í heimsókn á 1 maí

Já við fengum fína heimsókn í gær 1 maí, en þá komu félagar okkar úr Vík í Mýrdal. Það er virkir sokkar í Vík og tengingin við okkur hér í eyjum mikil en aðalstrumpur er eyjamaðurinn Símon Þór Waagfjörð sem nýtur diggrar aðstoðar hjónana Bárðar og Huldu sem oftast koma með Símoni hingað yfir. Það smá prjónast svo fleiri og fleiri inní þetta enda vel við hæfi þar sem ein stærðsta prjónaverksmiðja landsins er eimitt í Vík.

Hér eru hjól þeirra Víkurbúa fyrir utan bækistöðvar tveggja sokka úr eyjum.

Við vorum að ræða um að setja á eina góða dagsferð til Víkur í Mýrdal og taka hring með þeim kanski austur á klaustur hver veit.

Þetta er fyrsta heimsókn mótorhjólafólks hingað til eyja í sumar og vonandi á það á eftir að mikið af tveggja hjóla gestum hér á eyjuni okkar í sumar.

Skrifað af Tryggvi

01.05.2012 21:05

Til sölu

HONDA CBR1000RR Fireblade 2007 Repsol edition.......
umboðshjól, einn eigandi, nýskr.d. 18.04.07 ekið 6000km.
lítur út sem nýtt, aukahlutir : hlíf í staðinn fyrir aftursæti (solo sæti) og
hugger; custom málaður, hrikalega töff.
Verðmiðinn er 1.500.000kr.
Upplýsingar í síma 6980377
Gummi.

Skrifað af Sæþór

01.05.2012 19:58

Sumarið er komið

Það er heldur betur að lifna yfir hjólamenningunni þessa dagana, veðrið er búið að vera flott þó svo að það vanti nokkrar gráður uppá hitann. Það hafa margir verið að taka rúnti á hjólunum síðustu daga, sem er bara vinalegur vorboði. Við fengum meira að segja heimsókn frá nokkrum hjólurum frá Vík í dag.
Ég fór reyndar ekkert sjálfur að hjóla í dag en ég treysti á að Tryggvi hafi smellt nokkrum myndum. En í staðinn eru hér nokkrar myndir frá dagsferð sem ég, Rúnar og Sigurjón fórum sumarið 2008, þennan dag keyrðum við c.a.550km, fórum meðal annars á Þingvelli, keyrðum Hvalfjörðinn, inná Akranes og göngin til baka.

Sigurjón að tilbiðja Yammann eins og hann gerði fyrir hvern rúnt.

Skrifað af Sæþór

30.04.2012 22:28

1.Maí..

Sniglar munu halda sína árlegu hópkeyrslu þann 1. maí næstkomandi eins og venja er. Safnast verður saman á Laugaveginum kl. 11:30 og lagt af stað kl. 12:30. Keyrslan endar svo við Kirkjusand þar sem tekið verður á móti hópnum með kaffi og með'ðí. Á planinu mun fara fram keppni í akstursleikni á vespum/skellinöðrum og eru verðlaun í boði fyrir færasta ökumanninn. Einnig verða veitt sérstök verðlaun fyrir þann sem er best gallaður með tilliti til öryggis. Sniglar hvetja allt vespu- og skellinöðrufólk á öllum aldri til að mæta og taka þátt í keyrslunni með okkur. Munið eftir klinkinu í Sniglabaukinn og að sjálfsögðu góða skapinu! Einnig viljum við biðja ykkur að taka sölumönnum Bláa naglans vel en þeir verða á svæðinu að safna fyrir nýjum línuhraðli sem notaður er við geislameðferð krabbameins. Sjáumst hress á 1. maí!

Sniglabúðin verður með "útibú" á svæðinu.

Akstursleið keyrslunnar er:

Lagt af stað frá Laugavegi - hjólað um Lækjargötu, Vonarstræti, Suðurgötu, Hringbraut, Ánanaust, Mýrargötu, Geirsgötu, Sæbraut, Kringlumýrarbraut, Borgartún og endað á Kirkjusandi.

Tekið af sniglar.is

Ef vel viðrar þá tökum við góðan hring hér á skerinu okkar.

Skrifað af Sæþór