M.C. Drullusokkar Stofnað 04.05.06.

Hvetjum félagsmenn til að senda inn myndir af sér og hjólunum sínum í félagaskrána.
Einnig ef þið eruð með skemmtilegar hjólamyndir, fréttir eða aðrar tilkynningar sem eiga heima hér.
[email protected]

24.10.2012 11:50

Barnabörnin á Daxinum.




Hér eru Erla litla og Tryggvi litli á Daxinum og bíða eftir að stækka smá svo hægt verði að fara að hjóla á Daxinum sem bíður bara rólegur.



Hér er svo Halldór Breki kominn í hópinn með stóru systur sinni Erlu Rut og Tryggvi Elí sér um stýrið. Það er nú ekki hægt að hrópa húrra fyrir netsambandinu hér austur af landinu og ekki er það símasambandið heldur. Já það þarf að vinna líka gamli ekki hægt að lúra hjá konuni á nóttuni ens og sumir. Darri minn þú veist þú skilur. 24 tímar á sólarhring og ekki orð um það meira.

23.10.2012 17:37

Ducati Monster 2013

Á næsta ári eru 20 ár frá því að Ducati kom með fyrsta Monsterinn á markað, að því tilefni bjóða þeir uppá afmælisútgáfu af öllum þremur Monsterunum sem í boði eru,
696, 796 og 1100EVO.

1100Evo hjólið, verkleg græja. Ætli að Biggi ætli að yngja upp ??

Hér er svo 2013 Monster flotinn.

Monsterinn kom árið 1993 og sló nýtískuleg hönnun hjólsins í gegn, nútíma naked græja. Ducati hefur nú selt 250.000 eintök og er Monsterinn mest selda Ducati hjól frá upphafi.

22.10.2012 20:03

Isle of man TT slow mo.

Ég veit ekki með ykkur, en mér finnst þetta video alveg grjótmagnað. Tekið á Mön í HD (háskerpu, ekki Harley Davidson) og sýnt í slow motion,, grjótmagnað..

21.10.2012 10:00

Tvær frá Mön 1983




Hér eru Biggi og Dolli við raceaðan CBX



Biggi, Addi Steini og Gylfi Úr við Kawasaki 900 Z1.



Hér eru svo Hermann Haralds og Ómar Sveins við 750 græjuna mína myndin er tekin sumarið 1977 fyrir utan Hótel Holt í Rvk en þar var slett rækilega úr klaufunum eftir vertíð.

19.10.2012 11:31

meira af árinu 1985 í sögu Suzuki

Suzuki var með sérstaka græju á teikniborðinu árið 1985.

Suzuki Falcorustyco concept.

Takið eftir stýrinu....

19.10.2012 10:56

Suzuki GSX-R síðan 1985

Í tilefni af því að búið er að framleiða 1.milljón GSX-R hjóla hjá Suzuki, bjóða þeir uppá sérstaka minningar týpu af 1000 súkkunni 2013. Hjólið verður framleitt í 1985 eintökum til að minna á að fyrsta GSX-R hjólið kom á markað árið 1985, það hjól var GSX-R 750, það hjól var í rauninni nr.1 race hjól og nr.2 götuhjól, svoleiðis hjól höfðu aldrei komið á markað fyrr.




 

Endum svo á einni mynd af upphafinu.

GSX R 750 1985

19.10.2012 10:00

Biggi Jóns og heilsuhælið.


Það spurðist út hér í gær að hann Biggi Jóns VINUR ætti vagúmmælasett. Það var eins og við manninn mælt skúrinn hanns fylltist af 750 Hondum sem vildu bót meina sinna og fá vagúm tott á blöndunga, eftir að gulu herskipinn fengu bót á blöndungum þá var ráðist á breska heimsveldið af alefli. En svona í alvöru þá varð mikil breiting á þessum elskum öllum við að fá stillingu á blöndungunum.

Takk Biggi minn. Þú ert bestur.




Hér er Japanski flotinn frá 1974 í endurhæfingu á Breska heilsuhælinu, þar var gælt við stelpurnar.sem enn eru vel sprækar rétt um fertugt.



Hér bíða þær allar 3 á biðstofuni  eftir aðhlynningu



Allar eru þær af árg 1974 tvær enn með Kanaljós og ein Evrópu græjuð minna afturljós og stefnuljósin lika.

18.10.2012 09:12

Á Isle of Man 1983




Hér er ein tekin úti á eynni Mön árið 1983 búið að versla sér bjórkyppur sem þótti á þessum árum mikill munaður á Islandi enda bjórbann hér.

17.10.2012 11:22

Magni Kruger Hauks.




Hér er nýleg mynd af Krúgernum en þessi mikli gleðigjafi býr eins og menn kanski vita á Elmstæti 3 hér í bæ.Þar er hann í góðu yfirlæti og hefur að sögn kunnugra boðið sjálfum Brad Pitt í glas eða réttara sagt glös.

15.10.2012 19:30

Litli Jenni á litlu Honduni




Hér sjáum við litla Jenna eða Jóhannes á litlu Honduni á heimilinu.



Og hér er stóri Jenni á stóru Honduni á heimilinu, báðir í góðum málum eins og Biggi sagði.

15.10.2012 11:50

Jenni rauði verslar CB 500 Hondu.


Jæja þá kom að því að hann Jenni Rauði verslaði sér alvöru mótorhjól, en karlinn var að kaupa Hondu CB 500 Four af árg 1976 og eru hér nokkrar myndi af kappanum og nýju græjuni.







Hér er kappinn loks kominn á bak en hjólið er ekki ekið nema 2000 mílur frá upphafi svo það er óslitið með öllu nema ökumanninum sem er töluvert meira notaður.



Hér eru svo Triumph mennirnir Símon og Biggi að dáðst að græjuni og þá sérstaklega að hún skuli vera búin dömutakka sem ekki þekktist á Bretunum sem þeir ólust upp með, Þetta er æði sagði Biggi og Símon sagði maður væri nú betri í fótunum í dag ef svona munaður hefði verið í boði, já sagði Biggi maður varð að sparka þessu Bretadóti í gang og aldrei fór það í gang á fyrsta sparki enda stundum lappalaus á eftir. Síðan fóru þeir að reyna að sjúga startakkann það er dömutakann út úr Jenna blessuðum sem sagði að sjálfsögðu þvert nei.



Þetta er stimpað í pústin á Honduni


Og þetta er framan á cylindernum.

14.10.2012 20:22

Hendersoninn gamli frá 1918.




Hér er mynd af Henderson hjólinu gamla sem Grímur gamli gerði upp en svona leit það út áður en sá gamli hófst handa.



Hér er svo gripurinn í dag 94 ára gamall og er elsta mótorhjól landsins. glæsilegt hjá gamla.

13.10.2012 12:00

Minning um góðann félaga og vin





Í dag kl 1400 verður borinn til grafar frá Landakirkju hér í bæ Gylfi Þór Úranusson mig langar að minnast Gilla eins og hann var ávalt kallaður með nokkrum orðum. Gilli var einn okkar mótorhjólastráka hér í bæ og var einn af frumhvöðlunum á því sviði. Hann átti mörg og glæsileg mótorhjól í gegnum árin sem hann gerði flest upp og var hvert smáatriði þaulhugsað enda vildi hann hafa hlutina sína í topplagi, en í sérstöku uppáhaldi voru Norton og Triumph hjól. Ég kynntist Gilla ekki bara í gegnum mótorhjólin því við vorum samskipa á Frá VE 78 í ein 14 ár. Þegar Gilli áhvað að fara í land árið 1984 þá hvatti hann mig til að sækja um vélstjóraplássið sem hann hafði gegt. Fyrir hans tilstuðlan sótti ég um plássið og sé ekki eftir því. Tveimur árum síðar var Gilli kominn aftur á sjóinn og þá auðvitað um borð í Frá. Þarna áttum við svo eftir að vera saman í á annan áratug. Þarna fóru í hönd ein alskemmtilegustu árin okkar á sjónum um borð í gamla Frá hjá Óskari skipstjóra ásamt þeim Gústa Lása, Tóa Vídó, Árna Marz og Júlla kokk, mikið var brallað og stríðnistyrjaldir í gangi þar sem menn skiptust í lið, árásir tíðar á milli manna en allt í góðu og gaman að rifja þetta upp enda menn ungir sprækir og til í allt. Að öllum öðrum ólöstuðum þá var Gilli einn sá alduglegasti og ósérhlífnasti sjómaður sem ég hef róið með um dagana að visu gat hann hvest sig rækilega ef honum fannst hlutirnir ekki ganga eins hratt og honum fannst þeir eiga að ganga. Árið 1993 fengum við núverandi Frá og kom Gylfi auðvitað með yfir á hann og átti efir að róa á honum til loka árs 1996 en þá fór hann alfarið í land og vann síðustu árin hjá vélaverkstæðinu Þór við smíðar enda handlaginn maður með afbrigðum þar sem allt lék í höndunum á honum. Ekki get ég skilið við að minnast Gilla án þess að minnast á árin í kring um eldgosið hér 1973 en þá var okkar helsti samkomustaður heimili Gilla á Boðaslóð 6 þar voru margar veislurnar haldnar og Slade á fóninum vikum saman og spilað hátt enda aðallagið "Cum on feel the Noize"  þarna voru yfirlett saman kominn 25 til 30 strákar og stelpur þá var nú gaman að vera til og var gestgjafinn Gilli alltaf boðinn og búinn að leyfa öllum að gista sem þurftu enda plássið nóg og hlýjan mikil. Að endingu vil ég votta systkinum og öðrum aðstandendum Gylfa Þórs Úranussonar minnar dýpstu samúðar.

Tryggvi Sigurðsson
Flettingar í dag: 992
Gestir í dag: 42
Flettingar í gær: 1208
Gestir í gær: 63
Samtals flettingar: 653329
Samtals gestir: 49448
Tölur uppfærðar: 5.12.2023 20:27:02