M.C. Drullusokkar Stofnað 04.05.06.

Hvetjum félagsmenn til að senda inn myndir af sér og hjólunum sínum í félagaskrána.
Einnig ef þið eruð með skemmtilegar hjólamyndir, fréttir eða aðrar tilkynningar sem eiga heima hér.
[email protected]

22.07.2014 18:07

CBX innnnn.... rifinn sundur.




Hér er Addi búinn að rífa undan nöðruni sinni enda bölvaður ógangur í enni.



Hér er naðran galopin og ventill brunninn ( Eins og brunnin brauðsneið í ristavél )



Getur kanski verið að Addi hafi grillað mótorinn sinn þegar hann spyrnti við litlu systir ? Það er spurning.



Þetta verður komið saman á morgun eða hinn há Adda enda unnið í málinu á fullu.



Hér er svo hópur af frændum og bræðrum úr Hornaflokknum saman kominn í nöðrukoti. Efri röð frá vinstri Magnús Júl, Addi Steini, Steini Tótu, og gamla dýrið. Fyrir framan eru svo Steini Gunnars og Gunnar Júl. Gaman hefði verið að ná saman fleirum úr Hornaflokknum saman á mynd en margir hafa þeir verið viðloðandi Mótorhjólum í gegnum árin.
Tengill á færslu
Bæta við áliti

14.07.2014 22:25

Stóra brettamálið.....continued......

Eins og kemur fram í færslunni hér að neðan, mætti Heimir á Yammanum sínum á eyjuna okkar (Isle of Westman). Hjólið hans hið fínasta en sumir þurftu að reka augun í að frambrettið sneri öfugt, þannig að því var kippt í liðinn á stundinni.
Heimir þvertekur fyrir að hafa sett það þveröfugt á enda þverhaus. En annað dularfullt mál kom svo í ljós stuttu seinna.

Það er nú e-ð öfugt við þessa mynd, en eigandi þessa hjóls rak einmitt augun í frambrettið hjá Heimi. ....
Skrifað af Sæþór
Tengill á færslu
Bæta við áliti

14.07.2014 20:09

Þverhausar í Eyjum um síðustu helgi.




Um síðatliðna helgi heimsóttu okkur hinn merki mótorhjólaklúbbur "Þverhausar" MC. En nokkrir Þverhausar eru fyrir hér á Suðurey. Og sjást þeir hér á myndini En Þarna eru Addi Steini, Biggi Jóns, Darri, og Tryggvi allt Þverhausar hinir mestu. En aðrir á myndini eru Smári Kristjáns, Hilmar Lúthers, Óli bruni, Sigurjón Andersen, Heimir Barða og Njáll Gunnlaugs. Þarna vantar að vísu Torfa Gull sem sat á dolluni og notuðum við tækifærið og stylltum upp í myndatöku á meðan. En meira af fundinum hér að neðan.



Slegið var upp humarveislu með hvítu í nöðrukoti og vel tekið til matarins.



Hér er Smári að kynna fyrir okkur fyrir nýjasta ferðamátanum á mótorhjóli inn í sendibíl heitir það og er kallinn vel búinn hefur með sér varadekk ef það skyldi nú springa á Súkkuni á ferðalaginu inn í bílnum. Já þeir eru klárir Gaflararnir.



Súkkur í Hondu heimum nei bíddu nú hægur.



Verðum við ekki að jafna þetta aðeins og setja inn 3 Hondur.



Hún er flott 380 Súkkan hans Smára.



Já og 550 Súkka Doktorsins.



Torfi Gull var sá eini sem mætti á breta og greinilegt að þeir eru óðum að hverfa af sjónarsviðinu, allavega þessir gömlu orginal bretar.



Hér er svo Heimir á 650 Yammanum með "öfuga" frambrettinu.



Andersen Þverhaus no 2.



Hér er Vestmanneyiski Gaflarinn Gummi Dolla við 750 Hondu sína.



Hér mátar Gummi litla Daxinn en hvernig er það er ekkert sæti á honum ?



Anton kíkti við og fékk sér Bailýs glas.



Addi Steini rifjaði upp gömul kynni við 550 en síðast var hann á svona hjóli árið 1979 en þá fór hann yfir í fjórgengis græjur.



Biggi rifjaði líka upp gömul kynni við GT 380 en hann átti svona grip árið 1973 og spændi um allar götur í gosinu með Völlu sína aftan á.



Þessi gæti nú verið tekin árið 1973 bara nokkur aukakíló komin á og smá grátt í vanga líka en ég fékk stundum að sitja aftan á hjá Bigga það er að segja þegar Valla var þar ekki fyrir.



En mynni ykkur bara á að á fimtudagsmorgun förum við Drullusokkar austur um land og er ferðini heitið á hjóladaga á Akureyri og ætlum við að verða þar upp úr hádegi á föstudaginn næsta gerum við ráð fyrir einum 10 til 12 manns í ferðina og er það bara nokkuð góð þáttaka í 200 manna klúbbi....

 

 


Skrifað af Tryggvi
Tengill á færslu
Bæta við áliti

11.07.2014 22:38

Nú styttist í Akureyrarferðina okkar.

Það er heldur betur farið að styttast í Akureyrarferðina og menn vonandi orðnir spenntir. Það er alltaf gaman að koma norður, nóg að gera og skoða, og fullt að fólki til að hitta. Ég fór sjálfur norður um daginn til að kanna aðstæður, þetta leit allt vel út. Mótorhjólasafnið á sínum stað, alltaf gaman að skoða þar. Samgöngusafnið á Ystafelli, þar er líka gaman að droppa við þó svo að sumir hafi verið skildir eftir þar. Svo verður líka hjólamíla á laugardeginum á akstursíþróttasvæði B.A. (síðasti séns að skrá sig á miðnætti næstkomandi miðvikudag.). Svo er líka fullt af flottum mótorhjólkörlum sem gaman er að hitta.

Þessi glæsilegi Triumph er á Ystafelli, hann á nú heldur betur sögu að rekja til Vestmannaeyja og er í eigu Óskars frá Skagaströnd, stórvinar Tryggva og Darra.

Hér er hjólið nýlegt, Sverrir Þór heitinn fyrsti eigandi þess er á myndinni.

Þessi er líka fyrir norðan, margir hér í Eyjum hafa einmitt tekið próf á þetta hjól, Halldór Sveins lögregluþjónn og prófdómari átti það á sínum tíma. Í dag á það Óli Sveins og breytti því í cafe racer.
Ég fékk nú gullsendingu í BSA frá Óla um daginn og vil ég þakka honum kærlega fyrir það,,,, Takk Óli....

Ég sá götumíluna á bíladögum, þá áttum við Drullusokkar einn keppanda,, Davíð Einarsson, vonandi verða einhverjir fulltrúar frá okkur á hjólamílunni.

Þessi löggukawi var á sýningunni fyrir norðan á 17.júní. Það hafa nú byrst myndir af honum áður á síðunni...........

hmmmmm.
Skrifað af Sæþór
Tengill á færslu
Bæta við áliti

10.07.2014 13:38

Geir Jón og Þorgeir.




Hér er Geir Jón á Honduni sinni sem er 1300 cc



Geir Jón er sennilegast stærðsti drullusokkurinn alla vega í sentimetrum talið, en flottur er hann.



Hér er svo þorgeir Rikka á Hondu Sabre V 65, 1100 cc. en þorgeir er nýbúinn að versla sér þennan grip.
Tengill á færslu
Bæta við áliti

29.06.2014 21:46

Frá skoðunardegi drullusokka þann 26 júní.


Set hér nokkrar myndir inn frá skoðunardegi okkar um daginn. En það stendur til að Drullusokkar fjölmenni á hjóladaga á Akureyri sem haldnir verða dagana 17 til 20 júlí næstkomandi en það verður stóra ferðin okkar í ár. Undanfarin tvö ár höfum við farið norður og haft mikið gaman af enda sumarið okkar stutt í báða enda. En nánar um Akureyrar ferðina síðar.



Janus yfirgrillari að störfum. en hann á núgildandi Islandsmet í ýtingum mótorhjóla eftir að hafa slegið metið með því að ýta henni Maríu sinni allan Landeyjarafleggjarann sem er jú 13 km að lengd, geri aðrir betur.



Hér er búið að skoða Bryndísi varaformann og Janus sem fékk að vísu akstursbann á sig.



Viðar yfirmóttakari Drullusokka sporðrennir einni af grillinu.



Það er árlegt að Geirfuglarnir mæti á skoðunardaginn en annars sjást þeir örsjaldan á ferðini. Hér er Diddi í Svanhól yfirgeirfugl með eðal Hondu sína sem er CX 500 með V2 mótor.



Hér er Gauji á Látrum en hann er nýfarinn að hjóla aftur eftir 45 ára hlé en kallinn átti í den Hondu CB 450 black bomber af árg 1967.



Hér er Gauji Guðna en hann er svolítið á ferðini hér í eyjum.



Simmi í Betel kominn í Race fíling með R1 Yamaha.



Hér er ein vel táknræn af Adda Steina en þarna má vel sjá að hann er komin yfir á götuhjól af drullumallaranum.



Hér eru Biggi Jenni og Óli í skílinu flottir saman.



Og Hlynur Rikka á græjuni sinni.


Skrifað af Tryggvi
Tengill á færslu
Bæta við áliti

25.06.2014 12:26

LOKSINS Í VESTMANNAEYJUM.....



Loksins bifhjólanámskeið í Eyjum ef næg þátttaka fæst!

 

Njáll Gunnlaugsson bifhjólakennari ætlar í samstarfi við Drullusokka að standa fyrir bifhjólanámskeiði í Vestmannaeyjum í júlí ef næg þátttaka fæst.

Kennt verður á allar gerðir hjóla, frá 125 rsm til 600 rsm 100 hestafla mótorhjóla með ABS bremsum. Miðað er við að lágmark 10-12 manns skrái sig á bóklegt námskeið sem kennt verður í Eyjum fyrripart júlí og bóklegt próf tekið beint í kjölfarið. Njáll mun svo koma langa helgi til að kenna verklega, líklega18-20 júlí sem lýkur með verklegu prófi mánudaginn eftir.

Áhugasamir þurfa að skrá sig með því að senda tölvupóst á [email protected] sem inniheldur nafn, kennitölu og GSM númer, eða sömu upplýsingar í SMS á númerið 898-3223 með fyrirsögninni "Eyjapróf". Verður látið vita strax eftir goslokahelgina hvort af þessu verður eða ekki svo það er um að gera að skrá sig strax.


Skrifað af Sæþór
Tengill á færslu
Bæta við áliti

23.06.2014 15:50

Skoðunardagur



Jæja, þá er það taka 2.
 Skoðunardagur Frumherja og Drullusokka verður haldinn næstkomandi fimmtudag frá kl 13:00- 18:00 og jafnvel lengur ef það hentar.
Skoðað verður í skátaheimilinu.
Vonumst til að sjá sem flesta.


Skrifað af Sæþór
Tengill á færslu
Bæta við áliti

12.06.2014 09:53

Smá meira spyrnutengt


Tvær myndir frá Gauja af startinu.

Geir Jón flottur.

Svo er hér stutt video frá Gulla, þar sem #1 er að hita kettlinginn fyrir spyrnuna, yfirlýsingin í lok klippurnar er nokkuð góð.

Skrifað af Sæþór
Tengill á færslu
Bæta við áliti

10.06.2014 22:17

Silkiprent

Sveinbjörn hjá Silkiprent hafði samband við okkur.
Þar eru tilbúnir 10 borðfánar + stangir og tveir stórir fánar, en vandamálið er að hann veit ekkert hver pantaði þetta.

silkiprent_undirskrift
Skrifað af Sæþór
Tengill á færslu
Bæta við áliti

10.06.2014 11:56

Hugmynd að ferð.




Okkur í stjórninni datt í hug að auglýsa nýja tegund af Drullusokkaferð.
Ef áhugi er fyrir ferðinni verður farið með fyrstu ferð Herjólfs kl. 8:30 næstkomandi laugardag (14.06.14).
Ferðin verður með öðru sniði en vanalega og ber yfirskriftina " Gengið með hjólin".
Planið er að labba með hjólin að Seljarlandsfossi og fá sér að borða þar, spjalla saman og teygja á, svo verður rölt til baka og komið heim með kvölmatarferðinni.
Fararstjóri er Jenni rauði og ætlar hann nú að ganga með Yammann.
Svo verður Eyþór Þórðar á pikkanum sínum með spotta svona til öryggis ef menn verða þreyttir.

Þetta verður rætt á næsta fundi Drullusokka á fimmtudagskvöldið, þar verður Jenni með kynningu á ferðinni ásamt reynslusögu.


Kveðja


Stjórnin.


Skrifað af Sæþór
Tengill á færslu
Bæta við áliti

09.06.2014 10:04

Frá síðustu helgi...............


Norðan-mennirnir að græja sig heim.

Feðgarnir flottir á Hallanum.

Annar racer-inn, CBX-inn hans Adda.

Og hér er hinn racer-inn, CB-inn hans Tryggva.

Kawinn hans Björgvins.

Gamli búinn að setja gamla í svarta búninginn.
Skrifað af Sæþór
Tengill á færslu
Bæta við áliti

04.06.2014 14:15

Kaffifundur annað kvöld


Við minnum á kaffihittinginn á fimmtudagskvöldum kl 20:02 í Gullborgarhúsinu (bakvið Braggann)
Við vonum að Gaui og Bryndís fari að láta sjá sig.

Kveðja

Stjórnin.
Skrifað af Sæþór
Tengill á færslu
Bæta við áliti
Síðasta blaðsíða
Næsta blaðsíða
Flettingar í dag: 419
Gestir í dag: 46
Flettingar í gær: 760
Gestir í gær: 67
Samtals flettingar: 830411
Samtals gestir: 58212
Tölur uppfærðar: 25.4.2024 13:00:13