Hvetjum félagsmenn til að senda inn myndir af sér og hjólunum sínum í félagaskrána.
Einnig ef þið eruð með skemmtilegar hjólamyndir, fréttir eða aðrar tilkynningar sem eiga heima hér.
[email protected]

Færslur: 2015 September

14.09.2015 09:35

Frá aðalfundi

Aðalfundur klúbbsins fór fram síðastliðinn laugardag í sumarblíðu.
Dagurinn byrjaði með hittingi við Skýlið kl 16, þaðan var keyrður góður rúntur um eyjuna, samtals 26 hjól, næstum allt gekk vel í rúntinum kannski utan við að einn meðlimur klúbbsins stytti hjólið hjá sér um 2-3 tommur á miðjum Strandveginum.
Næst var hittingur í Gullborgarkrónni þar sem aðalfundurinn fór fram, á meðan á fundarhöldum stóð fíraði Kári Fúsa uppí grillunum. Síðan var étið, já og drukkið mismikið samt. Maturinn var flottur hjá Kára, úrbeinað lambakjöt í kryddlegi með kartöflu- og hrásalati, og val um pipar- og/eða bernaisesósu.
Móttakarinn sat í upphækkuðum hægindastól en við hin á trébekkjum, flott kvöld með allskonar skrýtnu fólki.

Það sem kom útúr fundinum var að stjórnin verður sú sama utan við að Jenni dregur sig úr stjórn og Daddi kemur inn í staðinn.

Ársgjaldið í klúbbinn verður hækkað úr 5000kr í 7500kr, í upphafi var talað um að halda ársgjaldinu á sama verði og líter af vodka, eftir stranga verðkönnun og útreikninga gjaldkerans, var komist að niðurstöðu um að meðalverð á liter af vodka er 7500kr.

Hugmynd er að desemberhittingi þar sem Geir Jón og Simmi myndu segja frá route66 ferðinni sinni með myndasýningu og leikrænum tilburðum.

Stefnt er að 10 ára afmælissýningu á mótorhjólum meðlima klúbbsins, næsta vor ásamt meðfylgjandi fjöri, stjórnin þarf að finna dagsetningu fljótlega svo fólk geti tekið helgina frá.

Gústi lögga (Ágúst Birgisson) fékk inngöngu í klúbbinn og hefur hann fengið númerið 50, við bjóðum hann að sjálfsögðu velkominn í félagsskapinn.

Stórnarmeðlimir eru:
Darri formaður.
Bryndís varaformaður.
Siggi Óli (Jóakim) gjaldkeri.
Sæþór.
Hermann.
Daddi.

Við þökkum fyrir nýliðið Drullusokkaár og hlökkum til þess næsta með von um gott veður og góða þátttöku.

Kv. Stjórnin.

Skrifað af Sæþór

Tengill á færslu

Bæta við áliti

Sýna álit

10.09.2015 15:33

Laugardagurinn 12.09.15

Mæting í Skýlið við Friðarhöfn kl 16:00 á hjóli, þaðan förum við í hópakstur um eyjuna kl ca 16:15. Veðurspáin lítur vel út.

Kl 17:30 verður aðalfundur Drullusokka settur í Gullborgarkrónni bakvið Braggann.

Um kl 19:00 verður boðið uppá grillmat og stór í dós á 500kr.

Vonumst til að sjá sem flesta.

Tengill á færslu

Bæta við áliti

Sýna álit

09.09.2015 19:02

Um aðalfundinn

Jæja nú er að líða að aðalfundi, hann verður með svipuðu sniði og áður. Við förum yfir ársskýrslu og atburði Drullusokkaárs sem er að líða, einnig þarf að kjósa í stjórn og ef einhverjir hafa áhuga á að taka þátt í stjórnarstarfi þá endilega gefið ykkur fram í það.
10 ára afmælisár er framundan hjá okkur, við gerum kannski eitthvað í tilefninu.
Svo þurfum við að finna útúr vefsíðumálum, þessi síða er orðin úreld að mörgu leiti, spurningin er hvernig við tæklum þau mál.

Það koma frekari upplýsingar um fundinn á morgun, vonandi sjáum við sem flesta.

Kveðja
Stjórnin.

Skrifað af Sæþór

Tengill á færslu

Bæta við áliti

Sýna álit

Eldra efni

Færslur: 2015 September

14.09.2015 09:35

Frá aðalfundi

10.09.2015 15:33

09.09.2015 19:02

Um aðalfundinn

Tenglar