Hjartað tekur smá aukakipp....

09.06.2014 10:04

Frá síðustu helgi...............

Norðan-mennirnir að græja sig heim.

Feðgarnir flottir á Hallanum.

Annar racer-inn, CBX-inn hans Adda.

Og hér er hinn racer-inn, CB-inn hans Tryggva.

Kawinn hans Björgvins.

Gamli búinn að setja gamla í svarta búninginn.

Skrifað af Sæþór

04.06.2014 14:15

Kaffifundur annað kvöld

Við minnum á kaffihittinginn á fimmtudagskvöldum kl 20:02 í Gullborgarhúsinu (bakvið Braggann)
Við vonum að Gaui og Bryndís fari að láta sjá sig.

Kveðja

Stjórnin.

Skrifað af Sæþór

02.06.2014 18:30

Nokkrar myndir frá helginni

Afkomendur Geira heitins Heiðursfélaga #48.

Bretarnir.

Binni og Gústi að skoða ringdingara með dömutakka.

Biggi og Nortoninn.

Óli á CBX-inum.

Darri og CBX-inn hans.

Skrifað af Sæþór

01.06.2014 22:41

og meira af spyrnunni...

Skrifað af Sæþór

01.06.2014 22:36

Spyrnan

Hér er video frá Gauja Engilberts af spyrnunni ógurlegu.

Sándið í CBX 1000 með Kerker 6 í 1, já sæll hvað er að frétta, bændurnir á suðurlandi hringdu og kvörtuðu yfir hávaða,, geðveikt hljóð..

Honda from GE Verk sf on Vimeo.

Skrifað af Sæþór

01.06.2014 21:53

Hjólahelgin..

Jæja, þá er hjólahelgi okkar Drullusokka afstaðin.
Hún heppnaðist bara ágætlega. Skoðunardagurinn frestaðist, en grillið og hittingurinn á föstudagskvöldinu var ljómandi. Veisluþjónusta Einsa kalda sá um matinn og var hann hrikalega góður. Við borðuðum í húsinu hans Rabba (ekki lengur) á Dala-Rafn á Skipasandi og svo var spjall fram eftir kvöldi.
Á laugardeginum var svo spyrnt, lögreglan lokaði fyrir okkur veginum suður á eyju svo að Addi og Tryggvi gætu útkljáð sín mál, en ég hef grun um að umræðan um hvort hjólið sé öflugra upp þessa brekku muni taka sig upp aftur.
Næst buðu Tryggvi og Erla uppá dýrindis humarsúpu í Nöðrukoti.
Síðan var græjuð sýning í Dala Rafns húsinu, húsinu hans Darra, Nöðrukoti hjá Tryggva, Goggaheimilinu (þar sem boðið var uppá dýrindis vöfflur ) og svo var Jón í JHM-sport með sölubás í Bjargar húsnæðinu. Bernhard menn voru svo með fjögur ný hjól í Bragganum ásamt fatnaði, Stebbi í Eyjablikk lánaði okkur einnig sitt bil en ekki komu nægilega mörg hjól til að raða í það húsnæði. Síðan var tekinn rúntur um bæinn til að loka deginum.

Helgin heppnaðist ágætlega en veðrið setti samt strik í reikningin, sýningin hefði verið úti á Skipasandi, rúnturinn verið fjölmennari og spyrnan hefði notið sín betur, en við búum á Íslandi. Þetta var kannski frumraun okkar Drullusokka í að halda svona prógram og hef ég fulla trú á því að hjólahelgin okkar muni bara þróast og verða skemmtilegri á næsta ári.

Við viljum þakka öllum þeim sem hjálpuðu okkur að halda þetta kærlega fyrir, öllum þeim sem mættu á sýninguna og einnig viljum við þakka öllum þeim Norðureyjingum sem komu kærlega fyrir komuna, það var virkilega gaman að fá ykkur.

Takk fyrir helgina, þetta var frábært og þetta verður enn betra næst.

Gauji og Daddi.

Básinn hjá JHM-Sport.

Dala-Rafns húsið.

Inni hjá Darra.

Óskar og Biggi.

Þeir eru í öllum stærðum Drullusokkarnir.

Já og reyndar Akureyringarnir líka.

CBX-inn.

Ef einhverjir eiga myndir eða myndbönd frá helginni, þá væri gaman að fá afrit inná síðuna okkar.

Skrifað af Sæþór

31.05.2014 10:23

Race day to day.

Honda CB 750 vs Honda CBX 1000 the race is to day at 12,00 a clock.

Addi on the CBX.

Tryggvi on the CB 750

Nú kemur það í ljós í dag hvernig racið fer milli bræðrana .

Addi vann,,, Eigum við ekki bara að segja að hann hafi verið á nýju regndekki ?

28.05.2014 00:33

Jhm-sport mætir á svæðið.....

Jón Magg í JHM-sport ætlar að gera sér ferð á skerið okkar og vera með sölubás á sýningunni okkar á laugardaginn. Jón er með mikið úrval af vörum í búðinni, dekk, vara og auka hluti, olíur, hreinsiefni, leður og gori tex galla, skó, hanska, hjàlma, og margt fleira. Einnig koma Bernhard menn með nokkur ný mótorhjól og verða með til sýnis. Þà er bara að bíða og vonast eftir góðu veðri, en ég hef enga trú á öðru en að það verði gott veður, það er svo langt síðan við pöntuðum það.......

Hér er slóð á heimasíðu JHM-sport.

Skrifað af Sæþór

27.05.2014 09:32

ATH. ATH

Skoðunardagur Frumherja og Drullusokka sem átti að vera næstkomandi föstudag verður frestað vegna veikinda hjá Jónasi skoðunarmanni.

Þetta breytir aðeins planinu okkar á föstudaginn en engu að síður hittumst við um kvöldið og borðum saman. Snillingarnir hjá Einsa kalda sjá um matinn þannig að það lofar góðu.

Skoðunardagurinn verður ákveðinn síðar þegar Jónas verður hressari, við óskum honum góðs bata.

Skrifað af Sæþór

24.05.2014 22:01

Já nú er komið sumar.

Tói vinur minn Vídó tók í gær nokkrar táknrænar myndir af gamla í kjölfar sumarsins tilvonandi.

Það þarf að vinna líka gamli sagði Steini Tótu einhver tímann og eru það vist orð að sönnu, en það þarf að leika sér líka bætti einhver góður maður við þessa frægu settningu Steina. Hér er Frár VE að sigla í gær í túr og vélstjórinn í frí og gamli kominn í leikpælingar eins og sjá má.

Það verður svo rosa fjör hér hjá okkur Eyjapeyjum varðandi mótorhjól og allt viðkomandi þeim og eigum við von á fjöldanum öllum af gestum ofan af Norðurey til að taka þátt í sprellinu með okkur um sjómannahelgina. Svo er bara að vona að veðurguðirnir verði með okkur í liði um næstu helgi.