M.C. Drullusokkar Stofnað 04.05.06.

Hvetjum félagsmenn til að senda inn myndir af sér og hjólunum sínum í félagaskrána.
Einnig ef þið eruð með skemmtilegar hjólamyndir, fréttir eða aðrar tilkynningar sem eiga heima hér.
foldahraun25@gmail.com

28.03.2009 10:01

18. sept 2007


Eftirfarandi er Frétt úr Vísi, 18. sept. 2007, en þá vorum við drullusokkar ca. 124 talsins. Í dag erum við hinsvegar 194 sem er gífurleg fjölgun og erum við Drullusokkar stoltir af því. Þeir lengi lifi. 


Yfir 100 Drullusokkar í Eyjum

 

mynd
Tryggvi Sigurðsson formaður Drullusokkanna í Eyjum.

Mótorhjólaklúbburinn Drullusokkarnir í Vestmannaeyjum hélt aðalfund sinn nýlega með miklum stæl en klúbburinn hefur nú 124 meðlimi innan sinna raða sem telja verður einhverskonar Íslandsmet miðað við höfðatölu eyjaskeggja. Tryggvi Sigurðsson formaður klúbbsins segir í samtali við Vísi að þar að auki séu þeir með útibú á "Norðureyjunni" eins og hann kallar fastalandið.

"Það eru tvö skilyrði fyrir því að gerast meðlimur í Drullusokkunum," segir Tryggvi. "Í fyrsta lagi þarf viðkomandi að eiga mótorhjól og í öðru lagi verður hann að hafa átt heima í Vestmannaeyjum einhvern hluta æfinnar."

Það liggur ljóst fyrir að hluti meðlima býr nú á "Norðureyjunni" en Tryggvi segir að sérstakt embætti innan klúbbsins, Íslandsjarlinn, sjá um málefni þeirra. Núverandi Íslandsjarl er Steini Tótu. Hinn þekkti Vestmannaeyingur Árni Johnsen er ekki meðlimur sem stendur þar sem nokkuð er síðan hann seldi mótorhjól sitt. "Ef Árni kaupir hjól á ný gerum við hann að heiðursfélaga um leið," segir Tryggvi. "Árni er okkar maður í Eyjum."

Flettingar í dag: 41
Gestir í dag: 21
Flettingar í gær: 515
Gestir í gær: 82
Samtals flettingar: 4645184
Samtals gestir: 611931
Tölur uppfærðar: 21.8.2019 01:39:53