Hvetjum félagsmenn til að senda inn myndir af sér og hjólunum sínum í félagaskrána.
Einnig ef þið eruð með skemmtilegar hjólamyndir, fréttir eða aðrar tilkynningar sem eiga heima hér.
[email protected]

29.07.2012 14:13

Bréf frá Mótorhjólasafni Íslands.

Okkur barst bréf frá Óla á Mótorhjólasafninu fyrir norðan, og hér er það.
Endilega lesið þetta.

Til allra klúbba og félagasamtaka sem tengjast bifhjólum og
akstursíþróttum af öllu tagi.
Mótorhjólasafn Íslands er risið, neðri hæð hússins er komin í
gagnið og hefir verið starfrækt frá 15.maí 2011. Um þessar mundir er
lagt kapp á að klæða húsið að utan og koma rekstri hússins í
horfið.
Því leitum við á safninu nú til ykkar og biðjum um stuðning.
Stuðning í formi Vildarvinar. Með því að gerast Vildarvinur safnsins
fær maður árskort að safninu. Vildarvinur gerist maður með
mánaðrlegri færslu af kreditkorti. Upphæðin skiptir ekki máli því
margt smátt gerir eitt stórt. Til dæmis 1000.kr mánaðrlega þar til
látið vita um annað ! Ekki það að standi til að predika neitt hér
en þá er þetta eins og einn tóbakspakki eða öl ! Hægt er að segja
þessu upp aftur með einu símtali ef aðstæður manna breytast.
Eyðblöð vegna þessa má nálgast á safninu eða óska eftir að fá
send. Það væri safninu ómetanleg aðstoð að ykkar klúbbur eða
einhverjir úr ykkar röðum sæjju sér fært að styðja safnið á
þennan hátt. Safnið er byggt upp með frjálsum framlögum og
gríðarmikilli sjálfboðavinnu, og viljum við þakka öllum þeim sem
lagt hafa hönd á plóginn, þetta hefði aldrei verið hægt án ykkar og
verður ekki hægt án ykkar. Stöndum saman um þessa menningarlegu
arfleifð okkar ! Frjálsum framlögum má einnig koma til skila á
reiknings númer 0162-26-10026 kt. 601207-2060.
Safnið er hið glæsilegasta og hýsir mörg einstök hjól en reglulega
er skipt um sýningargripi og stefnt að því að hafa safnið allt eins
lifandi og hægt er. Og skorum við á ykkur sem ekki hafa komið enn að
koma og skoða því sjón er sögu ríkari.

Með kveðju og þökk
Fyrir hönd Mótorhjólasafns Íslands
Ólafur Sveinsson

Skrifað af Sæþór

Tengill á færslu

Bæta við áliti

Sýna álit

Eldra efni

29.07.2012 14:13

Bréf frá Mótorhjólasafni Íslands.

Tenglar