Helgina 1.-2. apríl munu Bifhjólasamtök Lýðveldisins, Sniglar, halda málþing um öryggi og aðstæður bifhjólafólks á Íslandi í húsnæði Menntavísindasviðs Háskóla Íslands við Stakkahlíð. Á föstudeginum verður lokaður fundur um áherslumál og hagsmuni hjólafólks og á laugardeginum málþing opið öllum.

Á föstudeginum verður málþingið með þjóðfundarsniði og verða þrjú umræðuefni, ímynd bifhjólafólks, hagsmunir bifhjólafólks og núllsýn í umferðinni.
Vegna takmarkaðs húsrýmis verðum við að miða fjölda fundargesta við 110 manns á þessum þjóðfundarhluta málþingsins. Til að tryggja að raddir allra hópa bifhjólafólks heyrist á fundinum viljum við því biðja hvern klúbb um að tilnefna 1-2 fulltrúa á þjóðfundinn. ATH, ef fleiri en 110 verða tilnefndir gildir fyrstur kemur, fyrstur fær.

Hefur einhver áhuga á að sitja þennan fund fyrir okkar hönd??